(Mühimme Defterindeki hükmün satırlarını numaralandırdım ki okumak isteyenlere kolaylık olsun.)
1-Mekke-i Mükerreme ve Medine-i Münevvere ve Kudüs-i Şerif kadılarına ve şeyhülharemlerine hüküm ki; Müşarunileyh ilâ ahirihi elkâbıyla “kazâyâ defteri”n gönderip Harem-i Şerif’de surre tevzi’ olundukda
2-defterde surresi olanlardan bazıları gelmeyüp surrelerin nayib ile aldırup ve defterden esâmi okunurken bazıları okunan isim benimdir deyü hilaf-ı vâki âharın surresin
3-alup ve bir kimesne kırk elli kimesnenin surrelerin niyâbet tarîkıyla alup badehu ashabından ücret-i kadem deyü birer akçe alup ve bazılarına surrelerin virmeyüp ve defter okunurken
4-bazıları defterden kendümüz görelim ve benim ismimi mukaddem buluvirüp oku ve yahud defteri bana ver ben bulayın deyü defteri kâtib elinden alup surrei hak üzre
5-tevzi‘a mani olup teşviş ve ihtilale bais olmağın Harem-i Şerif’de surre defteri açılmazdan mukaddem şehirde nidâ ve tenbih itdirilüp sağir ve kebirden özr-i şer’isi
6-olmayanların cümlesi Harem-i Şerif’de hazır bulunup ve ale’t-tertib defter olunup surresi olanların isimleri okundukça tayin olunan surreleri kendü ellerine verilüp
7-niyâbet tarîkıyla âhara verilmeyüp ve özr-i şer’ileri olup marîz ve a’mâ ve pîr-i nâtuvân olan ricâl ve nisvân ve ebkârdan ve gayriden ki Harem-i Şerif’e gelmeğe kâdir
8-olmayanların müstakîm oğlanlarına ve yahud âhar malum ve mu‘temedun-aleyh kimesnelerine hem-civarları şehadetleriyle virilüp ve ma‘zûr olanlardan bikes olanların surrelerin surre ile
9-irsal olunan bevvablardan ve yahud teberdarlardan Harem-i Şerif pişdarından (?) ve siz ki şeyhülharemlersiz sizin adamlarınuzdan birer nefer tayin idüp
10-anun gibilerin surrelerin ashabına îsâl itmek bâbında hükm-i hümâyunum virilmek ricâsına arz itmeğin vech-i meşrûh üzre amel oluna deyü hatt-ı hümâyunumla fermân-ı âli-şânım sudûr bulmuşdur.
11-buyurdum ki; vardukda minba’d bu hususlarda vech-i meşrûh üzre amel itdirüp emr-i şerifime mugayir evzâ‘ sâdırından ziyade hazer eyleyesiz.
